Егоров WBA камари учун рингга кўтарилди. Чемпион 3, даъвогар 2 йилдан бери рингга чиқмаётганди

Оқшом доирасидаги қизиқарли жангларнинг бирида оғир вазн (90,7 кг.гача) тоифасида WBA Super чемпиони франциялик Арсен Гуламирян (27-0, 18 КО) россиялик мажбурий даъвогар Алексей Егоров (11-1, 7 КО) билан тўқнаш келди. 

Қизиғи, чемпион сўнгги жангини 2019, даъвогар эса 2020 йилда ўтказган эди. Чемпионлик жанги тўлиқ 12 раунд давом этди ва якунда Гуламирян ҳакамларнинг якдил қарори билан – 116-112, 116-112, 117-111 ҳисобларида ғалаба қозонди ва ўз камарини сақлаб қолди.

Егоров фаолиятидаги илк мағлубиятини қабул қилиб олди. У кечаги кунга қадар 11 та жангнинг барчасида ғалаба қозонган эди. Жангларнинг 8 тасида рақибларини муддатидан аввал мағлубиятга учратганди. Гуламирян эса мағлубиятсиз серияни давом эттирди. Унинг ҳисобида 27 жангдан 27 ғалаба бор (18 таси нокаут билан). Бу француз боксчининг учинчи чемпионлик ҳимоя жанги эди.