“Eindhoven Cup”. Тўрабек чемпион, Олимпиада чемпионларимизнинг бирида олтин, иккинчисида эса...

Мусобақада иштирок этган уч нафар чарм қўлқоп устамизнинг бари медалларга эга чиқди. Париж-2024 Олимпиадаси чемпиони Абдумалик Ҳалоков -60 кг вазн тоифасининг ҳал қилувчи финал жангида англиялик Жек Дриденни ҳакамларнинг якдил қарори билан 5:0 ҳисобида мағлубиятга учратиб, мусобақа чемпионига айланди. 

-70 кг вазнда рингга чиққан яна бир Олимпиада чемпионимиз Асадхўжа Мўйдинхўжаев эса қозоғистонлик Аблайхан Жуссуповга 2:3 ҳисобида имкониятни бой бериб, кумуш медаль билан тақдирланди. Ушбу жанг биринчи раунддан кейин Аблайханнинг жароҳат олиши натижасидан тўхтатилди. Ғолиб биринчи раунд натижасига қараб эълон қилинди. 

Париж-2024 Олимпиадаси иштирокчиси Тўрабек Ҳабибуллаев (-90 кг) эса венгриялик Кисс Миланга ҳеч қандай имконият қолдирмади ва 5:0 ҳисобида зафар қучди. Тўрабек 1/2 финалда қозоғистонлик Тоғамбай Сағиндикдан 4:1 ҳисобида устун келган эди.