15 мар 20:06
Янгиликлар

Дзюдо

Екатеринбург “Катта Дубулға”. -66 кг вазнда Ле Блоуч чемпион

Хабар берганимиздек, Екатеринбург шаҳрида “Катта Дубулға” туркумига кирувчи, соврин жамғармаси 154 000 АҚШ долларини ташкил этувчи нуфузли мусобақа давом этмоқда.

Эркаклар ўртасидаги -66 кг вазн тоифасида ҳам ғолиб ва совриндорлар маълум бўлди. Бу вазн олтин медали франциялик Килиан Ле Блоучга насиб қилди. У ҳал қилувчи финал беллашувида россиялик Иса Исаевни мағлубиятга учратиб, шохсупанинг энг юқори поғонасига кўтарилди. Грузиялик Баграти Ниниашвили ва исроиллик Баруч Шмайлов бронза медалига сазовор бўлишди.

Ушбу вазнда икки ҳамюртимиз ҳам ўз имкониятини синовдан ўтказди. Артём Штурбабин илк даврадаёқ россиялик Исмаил Часиговга ютқазиб қўйди. Муҳриддин Тиловов эса чехиялик Павел Петриковдан устун келди. Лекин иккинчи учрашувида мусобақа финалчиси россиялик Иса Исаевга имкониятни бой бериб қўйди.