21 фев 09:11
Янгиликлар
Теннис
Елена Остапенко Дубайни забт этди
БААнинг Дубай шаҳрида ўтказилган нуфузли WTA турнирида латвиялик теннис маликаси бош соврин соҳибасига айланди.
Мукофот жамғармаси 703 580 АҚШ долларини ташкил этган Dubai Duty Free Tennis Championships турнирининг ҳал қилувчи финал учрашувида жаҳоннинг 21-ракеткаси бўлиб турган Елена Остапенко россиялик Вероника Кудерметовага қарши кортга чиқди.
Олтмиш олти дақиқа давом этган баҳсда Остапенко 6/0, 6/4 ҳисобида зафар қучди. Ушбу муваффақиятли иштирокдан сўнг латвиялик теннисчи WTA рейтингида 13-ўринга кўтарилиб олди. Кудерметова эса 25-поғонага юқорилади.
Ҳавола :
Манба : olamsport.com
Фикрлар