Элина Свитолина Рамон Слюйтер билан хайрлашди

Улар 2023 йилнинг баҳоридан бери ҳамкорликда ишлаб келишаётган эди. Украиналик теннис маликаси оналик бахтига муяссар бўлганидан кейин Турга қайтган ва айнан Романни мураббий сифатида танлаган эди. Ўтган йили Элина нидерландиялик мутахассис қўл остида Страсбургдаги турнир чемпионлигини қўлга киритди. "Ролан Гаррос" турнирида 1/4, "Уимблдон"да финалга қадар етиб келди. 

"Биз ҳамкорликни тўхтатишга қарор қилдик. Рамоннинг қисқа фурсатда эришган ютуқларимдаги хизмати катта бўлди. Фаолиятимдаги мен ишлаган энг яхши мураббийларимдан бири бўлди. Тез орада янги мураббийим ҳақида хабар бераман. Рамонга раҳмат айтиш баробарида унинг кейинги фаолиятида омад тилайман", - деди Свитолина.