Элина Свитолина Штутгартда кортга чиқди

Сайёрамизнинг бешинчи рақамли теннис маликаси, украиналик Элина Свитолина Porsche Tennis Grand Prix турнирининг иккинчи даврасида WTA рейтингининг 26-поғонасидан жой олиб турган германиялик Анжелик Керберга қарши баҳс олиб борди.

Бир соату 34 дақиқа давом этган учрашувда Элина рақибасини 7/6(4), 6/3 ҳисобларида мағлуб этди. Элина 4 та, Анжелик эса 2 та эйс зарбасини амалга оширди. Теннисчиларнинг ўзаро учрашувларидаги ҳисоб Элина фойдасига йириклашди - 9:5. Энди Элина чорак финалда чехиялик Петра Квитовага қарши кортга чиқади.