11 фев 18:21
Янгиликлар

Олимпия ўйинлари, Қишки спорт турлари

Елистратов Россияга илк Олимпиада медалини тақдим этди

Бугун Пхёнчхан шаҳри мезбонлик қилаётган Қишки Олимпия ўйинлари шорт-трек мусобақасининг 1500 метр масофага ўтказилган баҳслари ғолиб ва совриндорларига медалларни топшириш маросими бўлиб ўтди.

Эътиборлиси, совриндорлар сафидан жой олган Семен Елистратов Россия терма жамоасига ушбу Олимпиаданинг илк медалини тақдим этди. Семен маррага учинчи бўлиб етиб келиб, бронза медалига сазовор бўлди.

Маълумот учун, Россия терма жамоаси допинг можароси сабаб мусобақада Халқаро олимпия қўмитаси байроғи остида иштирок этяпти. Мезбонлар вакили Лим Хё Жун олтин, голландиялик Шинки Кнегту кумуш медални қўлга киритди.