Элнур Абдураимовнинг навбатдаги рақиби ва жанг санаси аниқ бўлди

Унга кўра, ҳамюртимиз 13 февраль куни Индиода ташкил этиладиган жанг оқшомида рингга кўтарилади. Olamsport.com сайти маълумотига кўра, ўша куни Элнурга колумбиялик Деиви Хулио рақиблик қилади. Жанг 6 раундга мўлжалланган. 

Маълумот учун, Элнур Абдураимов шу кунгача проф боксда 6 та жанг ўтказган ва уларнинг барчасида рақибларини нокаут эвазига мағлуб этган. Деиви Хулио эса проф рингда шу кунгача 30 маротаба жанг қилган. Уларнинг 21 тасида ғалаба қозонган (13 та нокаут). 9 та жангда эса мағлубиятга учраган (5 та нокаут).

Эслатиб ўтамиз, аввалроқ ўша куни бошқа бир ҳамюртимиз Бектемир Мелиқўзиев ҳам рингга кўтарилиши ҳақида хабар қилинганди. Бектемир ушбу жанг оқшомида Морган Фитчга қарши жанг қилади.