17 окт 10:21
Янгиликлар

Бокс/ММА

Элнур бугун тарозидан ўтади, бизнинг вақт билан жума тонгида жанг!

Ҳаваскор боксда жаҳон чемпионати совриндори ҳамда Осиё чемпионлигига эришган Элнур Абдураимов АҚШда профессионал боксдаги иккинчи жангини ўтказади.

Ҳамюртимизнинг 18 октябрь (Тошкентда 19 октябрь тонг саҳар бўлади) куни америкалик Хосе Салинасга қарши рингга кўтарилади. Ушбу жанг АҚШнинг Калифорния штати Индио шаҳридаги Fantasy Springs Casino аренасида бўлиб ўтади.

Бугун тунда (бизнинг вақт билан эртага тонг саҳарда) боксчилар анъанага кўра тарозидан ўтиш маросимида иштирок этишади. Ҳамюртимиз учун бу фаолиятидаги иккинчи жанг бўлади. Элнур яқинда дебют жангида америкалик Арон Жамил Холлисни нокаутга учратганди.

Салинас эса 20 ёшда бўлиб, аслида Никарагуада туғилган ва ҳозирда АҚШ шарафини ҳимоя қилади. Хосе проф рингда 6та жанг ўтказган бўлиб, уларнинг барчасида ғалаба қозонган. Учта жангда рақибларини нокаутга учратган.