15 дек 19:02
Янгиликлар

Бокс/ММА

Емельяненко рақибидан 26 кг оғирроқ тош босди + ФОТО

Эртага Россия Федерацияси пойтахти Москва шаҳрида навбатдаги ММА турнири бўлиб ўтади.

Бугун "Панорама 360" кузатув майдонида "Бойцовский клуб РЕН ТВ. Суперсерия" турнири иштирокчиларини расмий тарозидан ўтказиш маросими ташкил этилди. Оқшомнинг марказий жангида Александр Емельяненко блогер Святослав Коваленкога қарши "қафас"га киради.

Эътиборлиси, 110 килограмм вазн қайд этган Емельяненко рақибидан 26 килограммга оғирроқ тош босган. Коваленконинг 83.9 килограмм вазнга эга экани ойдинлашган. Ушбу жанг 3 дақиқадан 3 раунд этиб белгиланган.

Кечанинг сo main event жанги ҳам оғир вазнда ўтказилади. Унда Вячеслав Дацик ва Павел Шульский ўзаро октагонда тўқнаш келишади. Дацик 122 кг, Шульский эса 99.6 кг вазн қайд этган.

Мазкур турнир 16 декабрь куни тунда бўлиб ўтади ва РЕН ТВ телеканали орқали жонли эфирда намойиш этилади.