29 апр 08:55
Янгиликлар

Бокс/ММА

Емельяненко рақибини 49 сония ичида нокаут қилди

Ҳозиргина аралаш қоидалар бўйича Bellator Гран-присининг оғир вазн тоифасидаги иккинчи ярим финал учрашуви якунланди.

Унда россиялик машҳур жангчи Фёдор Емельяненко америкалик Фрэнк Мирга қарши октагонга чиқди. Жанг узоқ вақт давом этмади. Биринчи раунднинг 49-сониясидаёқ Емельяненко рақибини нокаутга учратди.

Федор ушбу чиройли ғалаба сабаб Гран-при турнирининг финалига йўл олди. Энди у ҳал қилувчи жангда Чейл Соннен билан тўқнаш келади.