19 июн 19:08
Янгиликлар

Теннис

Эмма Радукану америкалик миллиардернинг ўғли билан учрашяпти + ФОТО

Британиялик теннис маликаси, US Open-2021 ғолибаси Эмма Радукану АҚШ ва Британия матбуотини ўзига қаратди.

Икки мамлакат матбуотидаги хабарларга қараганда, Радукану америкалик 22 ёшли Карло Агостинелли билан учрашиб юрибди. Кичик Агостинелли америкалик миллиардер Роберт Агостинеллининг ўғли ҳисобланади.

Асли келиб чиқиши италиялик бўлган Роберт "Ливерпуль" футбол клубини сотиб олишга уриниши билан эътиборга тушган эди. Аввалроқ Эмманинг ўзи ҳам ижтимоий тармоқдаги саҳифасига Агостинелли билан бирга Мехикодаги саргузаштларидан сурат жойлаганди. Шунингдек, бу жуфтликни Лондонда ҳам бирга кўришган эди.