08 июн 13:37
Янгиликлар

Теннис

Эмма Радукану иштирокидаги учрашув якунига етмай қолди

Буюк Британиянинг Ноттингем шаҳрида WTA турнири давом этмоқда.

Сайёрамизнинг 11-рақамли теннис маликаси Эмма Радукану ўз ватанида ўтаётган мусобақанинг илк давра учрашувини якунига етказа олмади. Британиялик теннисчи WTA рейтингида 55-поғонадан жой олган швейцариялик Виктория Голубичга қарши кортга чиққанди.

Афсуски, жароҳат сабаб Радукану баҳсни давом эттира олмаслигини маълум қилди. Бу вақтда Виктория 4/3 ҳисобида олдинда бораётганди. Бу теннисчиларнинг ўзаро ўтказган илк учрашуви эди. Энди Голубич иккинчи даврада британиялик Хизер Уотсонга қарши кортга чиқади.