28 апр 14:16
Янгиликлар

Теннис

Энди Маррей Мадрид "Мастерс"даги иштирокини якунлади

Дунёнинг 52-ракеткаси Энди Маррей Mutua Madrid Open турниридаги иштирокини тўхтатди.

Британиялик теннисчи ATP рейтингида 164-поғонада бораётган италиялик Андреа Вавассорига 2/6, 6/7(7) ҳисобида имкониятни бой бериб қўйди. Бу теннисчиларнинг ўзаро ўтказган илк учрашуви эди.

Тўқсон уч дақиқа давом этган баҳсда Маррей ҳам, Вавассори ҳам 1 тадан эйс зарбасини амалга оширган. Бу Эндининг кетма-кет тўртинчи мағлубияти бўлди. Сўнгги ғалабасини бир ярим ой олдин Индиан-Уэллс турнирида қўлга киритганди.

Андреа Вавассори Mutua Madrid Open турнирининг иккинчи даврасида россиялик Даниил Медведевга қарши кортга чиқади.