26 авг 15:47
Янгиликлар

Енгил атлетика

Енгил атлетикачиларимиз Марказий Осиё очиқ чемпионатида умумжамоа ҳисобида биринчи бўлишди

23-25-август кунлари пойтахтимизда енгил атлетика бўйича III Марказий Осиё очиқ чемпионати бўлиб ўтди.

Унда 9 давлатдан 300 нафарга яқин спортчи ғолиблик учун баҳс олиб борди.

Турнир келаси йил Пекин шаҳрида (Хитой) бўлиб ўтадиган жаҳон чемпионати учун қимматли рейтинг очколарини тақдим этиши билан янада аҳамиятли бўлди. Муросасиз баҳслар якунига кўра, ўзбекистонлик спортчилар 22 та олтин, 20 та кумуш ва 19 та бронза медаллари билан умумжамоа ҳисобида биринчи ўринни қўлга киритишди.

Қайд этиш жоиз, ушбу мусобақа орқали терма жамоамиз мураббийлар штаби атлетларимизнинг Аичи-Нагоя-2026 ёзги Осиё ўйинларига тайёргарлигини ҳам кўздан кечириб олди.