01 июн 14:52
Янгиликлар

Бокс/ММА

Енгилмас Менайотин WBC камарини ҳимоя қилди, бу унинг 53-жанги эди!

Енгил вазн тоифасида WBC чемпиони Ваненг Менайотин Таиландда ўз камарини муваффақиятли ҳимоя қилди.

Таиландлик енгилмас боксчи 12 раундга мўлжалланган жангда япониялик Тацую Фукухарага қарши рингга кўтарилди. Жанг саккизинчи раундда ринг шифокорининг тавсияси билан тўхтатилди. Боксчилар бошлари билан тўқнашиб кетишлари натижасида Тацуя жароҳат олди.

Саккиз раунд якунларига кўра уччала ҳакам ҳам бир овоздан 79-73, 78-74, 78-74 ҳисобида ғалабани амалдаги жаҳон чемпионига тақдим этишди. Бу 33 ёшли Менайотиннинг проф боксдаги 53-жанги эди. У барча жангларида ғалабага эришган. Ўн саккизта жангда рақибларини нокаутга учратган.