03 янв 14:14
Янгиликлар
Бокс/ММА
Энтони Жошуа ва Жозеф Паркер 31 мартга рози бўлишди
Профессионал бокснинг супероғир вазн тоифасида жаҳон чемпионлари - Энтони Жошуа ва Жозеф Паркер бирлаштирувчи чемпионлик жангини ўтказишга ўз розиликларини беришди.
Ҳар икки чемпион ҳам промоутерлар томонидан таклиф этилган 31 март санасида жанг қилишга рози бўлишди. ESPN телеканали расмийларининг хабар беришича, промоутерлар жангнинг молиявий шартларини ҳам келишиб олишган.
Унга кўра, Паркер бўлажак жанг учун белгиланган гонорарнинг 30-35 фоизига эга бўлади. Гонорарнинг қолган улуши Жошуага тегади. Энтони Жошуа IBF, IBO ва WBA чемпионлик камарлари соҳиби ҳисобланади. Жозеф Паркерда эса WBO камари бор.
Маълумот учун, иккала боксчи ҳам ҳали мағлубиятга учрамаган. Жошуа 20та жангда 20та, Паркер 24та жангда 18та нокаут қайд этган.
Ҳавола :
Фикрлар