Энтони Жошуанинг рингга қайтиш тахминий муддати айтилди

"У сўнгги кунларни жуда яхши ўтказди. Ҳозир Энтони аллақачон машғулот лагерида, аммо қайтиш санаси ҳақида ҳали қарор қабул қилинмади. Ўйлашимча, июль ойи - мўлжал олса арзийдиган оқилона муддат. Машғулот лагери унинг севимли жойи. Аслида бундай бўлмаслиги керак. Агар у ерда қанчалик оғир меҳнат қилишларини кўрсангиз, бу ҳеч кимнинг севимли жойи бўлмаса керак. Лекин улар, жангчилар шундай. Ўйлайманки, Жошуа ҳақиқатан ҳам бу режимга қайтганидан хурсанд ва биз тез орада унинг навбатдаги жанги бўйича иш бошлаймиз", - дея Хирннинг сўзларини келтиради Boxingnews24 портали.

Маълумот учун, 36 ёшли Энтони Жошуа профессионал боксда 2013 йилдан бери рингга кўтарилади. Унинг ҳисобида 29 та ғалаба бор, шундан 26 таси муддатидан олдин қўлга киритилган. Мағлубиятлари сони 4 та. Ҳаваскор боксда Лондон-2012 Олимпиадаси чемпиони. Ўтган йили у Нигериядаги автоҳалокатда бир ўлимдан қолганди. У билан бир машинада бўлган икки дўсти тан жароҳатлар сабаб вафот этган эди.