Эркин кураш афсонаси UFC жангчиси Бо Никалнинг чақирувига жавоб берди

Бир кун аввал америкалик UFC жангчиси россиялик икки карра Олимпиада чемпионини кураш гиламига чорлаганди. 

"Барча даврларнинг энг буюк курашчиларидан бири билан жанг қилиш мен учун шараф бўларди. Бу ҳамма кўришни истайдиган баҳс. Мен тайёрман - келинг, буни амалга оширайлик", - деб ёзди Никал ижтимоий тармоқда Садулаев билан жанг постерини жойлаб.

"Мана, океан ортидан биринчи чақириқ келди. Бо Никал, MMA - сен учун яхши танлов. Аммо эркин кураш - бу бошқа даража. Ҳа. сен ҳам курашчи эдинг, лекин мен шу уммонда яшайман. Бу ерда ҳам қоидаларни акулалар белгилайди. Агар ўзингни тайёр деб ҳисобласанг, хуш келибсан!", - деб жавоб берди россиялик.

Абдулрашид Садулаев билан шартнома имзолагани ҳақида Real American Freestyle лигаси икки ҳафта олдин расман эълон қилган эди.