Эронлик Олимпиада чемпионлари ёппасига медалларини сотишяпти

12 ноябрь куни Эрон ва Ироқ чегарасида юз берган кучли зилзила оқибатида 5000 га яқин инсон ҳалок бўлган, 8000 нафардан зиёди турли даражадаги тан жароҳатини олишганди. Яна бир неча минги бошпанасиз қолган эди.

Эронлик Олимпиада чемпионлари ўз медалларини сотиш орқали гуманитар ёрдам кўрсатишни мақсад қилишган. Беғараз ёрдам бериш истагида бўлганлар орасида оғир атлетика бўйича Олимпиада чемпиони Киянуш Ростами, ўқ отиш бўйича Паралимпия ўйинлари ғолиби Сарех Жаванмарди ва бошқалар бор.

Шунингдек, Афина-2004 Олимпиадасининг кумуш медал совриндори Маъсуд Мустафо-Жокар ҳам медалини сотишга қарор қилган. Эрон футболи афсонаси Али Дайи банкда махсус ҳисоб рақами очди.