Эррол Спенснинг мураббийи: "Канело чегарасига етиб келди"

"Мана нима учун Канело вазнидан қатъий назар энг яхши жангчи эмас. Чунки "pound-for-pound" лидери қанчалик узоққа бора олиши ҳақидаги саволга жавоб бермоғи даркор. Канело бу саволга яримоғир вазнга ўтганида жавоб бериб бўлди.

Биволнинг ўрнида бўлсам, Канелонинг вазнига ўтмас эдим. Нима учун? Канело бошқа вазнга ўтиб, чемпионлик камарини олмоқчи бўлди. Канело ўз чегарасига етиб келди. Унинг устунлиги тезкорлигида бўлса-да, у ўзидан-да тезкорроқ йигит билан учрашди. У катта рақибларни енгган. Энди бундай қила олмайди", - деди Жеймс Fight Hub TV YouTube каналига берган интервьюсида.

Эслатиб ўтамиз, Сауль Альварес — Дмитрий Бивол жанги 8 май тонгида бўлиб ўтган эди.

Эррол Спенс эса сўнгги жангини 17 апрель куни кубалик Йорденис Угасга қарши ўтказган эди.