09 дек 15:05
Янгиликлар

Теннис

Эшли Барти икки карра The Don Award соврини соҳибаси

Дунёнинг собиқ биринчи ракеткаси Эшли Барти нуфузли The Don Award соврини соҳибасига айланди.

Ушбу соврин анъанавий тарзда Австралия спорт шон-шуҳрати зали томонидан йил давомида миллат ёшларини ғалабалар сари руҳлантириб келаётганлар спортчилар ёки жамоалар учун топшириб келинади.

Барти ушбу совринни 2019 йилда ҳам қўлга киритганди. Эшлидан ташқари енгил атлетикачи Салли Пирсон (2012 ва 2014 йилларда) ва Стив Хукер (2008-09) ҳам The Don Award совринини икки маротабадан қўлга киритган.

Маълумот учун, Эшли Барти шу йил аввалида Аделаидаги WTA турнири ҳамда "Катта Дубулға" туркумига кирувчи Australian Open мусобақаси бош совринини қўлга киритган эди. Кейин эса март ойида бироз кутилмаганда профессионал теннисчилик фаолиятини якунлаганди.