Эшли Барти янги мавсумни соврин билан бошлади

Бош соврин учун кечган финал учрашувида дунёнинг биринчи ракеткаси, австралиялик Эшли Барти рейтингнинг 14-поғонасидан жой олиб турган қозоғистонлик Елена Рибакинани ортиқча қийинчиликсиз мағлуб этди - 6/3, 6/2.

Бир соату 5 дақиқа давом этган баҳсда иккала теннисчи ҳам 6 тадан эйс зарбасини амалга оширишди. Эшли ўзаро учрашувлардаги ҳисоб фарқини оширди - 2:0. 

Ўз ватанидаги муваффақиятли иштирок Бартига 470 рейтинг очкоси ва 108,000 доллар мукофот пули келтирди. Бугун у фаолиятидаги 14-совринини қўлга киритди. Рибакина эса 305 рейтинг очкоси ва 66,800 доллар ишлаб олди.