ESPN "Реал"да Хаби Алонсонинг ўрнини эгаллаши мумкин бўлган асосий номзодни эълон қилди

ESPN хабарига кўра, "Реал" ёшлар жамоаси бош мураббийи Альваро Арбелоа "Қироллик клуби"да Хаби Алонсо ўрнини эгаллаш учун асосий номзод экан. 

Манбага кўра, Мадрид клуби кадрлар билан боғлиқ муаммоларни ҳал қилиш учун қишки трансфер бозорига киришни кўриб чиқаётган эди, аммо кейичалик раҳбарият ушбу қарордан воз кечган.

Алонсонинг тақдири Испания Суперкубогидаги "Атлетико"га қарши учрашувда ҳал бўлади. "Реал" ҳозирда Испания чемпионати жадвалида 42 очко билан иккинчи ўринда турибди ва етакчи "Барселона"дан тўрт очко ортда қолмоқда.

"Реал" Испания Суперкубоги ярим финалида "Атлетико" билан тўқнаш келади. Ўйин 8 январь куни бўлиб ўтади.