29 сен 14:33
Янгиликлар
Эстонияда тўп тепаётган легионеримиз жамоаси ҳақида нималарни биламиз?
Қуйида ушбу жамоа ҳақида айрим маълумотларни тақдим қиламиз.
Қачон ташкил топган?
Узоқ тарихга эга бўлган “Тулевик Вильянди” 1912 йилда ташкил топган. Бир йилдан сўнг Вилъянди кўли бўйида қурилган “Вильянди” стадионида тўп сура бошлаган. Биринчи жаҳон уруши туфайли ушбу жамоа 1927 йилга қадар фаолиятини тўхтатган. 1937 йилдан бошлаб эса Эстония “Б” класс минтақавий чемпионатида ғолиб бўлган. 1940 йилда эса Совет Иттифоқи Эстонияни босиб олганидан сўнг, жамоа бутунлай тарқатилиб юборилган.
1977 йилда эса жамоа “Вильянди Линнамесконд” номи билан қайта ташкил топди. Орадан тўрт йил ўтиб эса Эстония олий чемпионатига кўтарилди ва ўн икки йил давомида юқори лигасида тўп сурган. 1992 йилга келиб эса жамоа номи “Тулевик” номига ўзгартирилган.
Бу жамоа 1998 йилда халқаро майдонда дастлабки учрашувини УЕФА Интертото кубогида ўтказди ва “Сент-Галлен”га имкониятни бой бериб, мусобақани биринчи давра саралаш баҳсидаёқ тарк этади. 1998-1999 йилда Эстония кубоги финалига қадар етиб бориб, ҳал қилувчи баҳсда “Левадия”га ютқазиб қўйган. 2016 йилда эса Эстония қуйи лигасида 2016 йилда ғалаба қозониб, Меистрилигага йўлланма олган.
Стадиони ҳақида
Ҳозирда жамоа 2010 йилда қайта таъмирланган “Вильянди Линнастадиони”да тўп суради. Умумий сиғими 1084 нафар мухлисга мўжалланган стадион мамлакатдаги энг яхши ўйингоҳлардан бири ҳисобланади.
Легионерлари
“Тулевик Вильянди” жамоасида бугунги кунда 6 нафар легионер футболчи тўп суради. Ҳамюртимиз Абубакр Мўйдиновдан ташқари, 4 нафар нигериялик ҳамда 1 нафар камерунлик футболчилар тўп сурмоқда. Айтиш керак, клубдаги барча легионерлар ёш футболчилар ҳисобланади.
Казеем Болажи
Фуқаролиги: Нигерия
Туғилган йили: 2020 йил 13 декабрь
Амплуаси: ярим ҳимоячи
Ганиу Огунгбе
Фуқаролиги: Нигерия
Туғилган йили: 1992 йил 1 декабрь
Амплуаси: ҳимоячи
Ридван Бабатунде
Фуқаролиги: Нигерия
Туғилган йили: 2001 йил 5 май
Амплуаси: ҳимоячи
Арч Минтонго
Фуқаролиги: Камерун
Туғилган йили: 2002 йил 10 апрель
Амплуаси: ярим ҳимоячи
Паул Одунайо Адерибиже
Фуқаролиги: Нигерия
Туғилган йили: 2002 йил 13 июнь
Ампуласи: ҳужумчи
Абубакр Мўйдинов тўғрисида
21 ёшли ҳамюртимиз бу жамоада асосан ҳимояда тўп тепмоқда. Аслида у вингер ва ҳужумчи сифатида БАА ва Португалия клубларида ҳаракатланган. Португалиянинг “Леихоес” клубининг 23 ёшгача бўлган жамоасида бир муддат ўйнаганидан сўнг у эркин агент сифатида 2021 йилнинг 3 апрель куни “Тулевик” билан шартнома имзолади. Бу клубда ҳозиргача 11та учрашувда майдонга тушиб, бир маротаба тўп йўллади.
Маълумот учун
“Тулевик Вильянди”
Ташкил топган йили: 1912 йил 23 сентябрь
Стадиони: Вилянди Линнастадион (1,084 нафар сиғимига эга)
Президент: Раико Мутле
Бош мураббий: Яанус Реител
Фикрлар