Евгений Попихин: "Вазифамиз - плей-оффга чиқиш"

"Оғир ўйин! Яхши рақибга қарши ўйнадик. Бу "Барис"нинг фарм клуби ва бу ерда яхши ёш ўйинчилар кўп. Аммо бугун бизнинг йигитлар характер намойиш этишди. Йигитлар ғалабани Тошкентга бағишлашди. Хоккейни яхши кўрадиган, ҳурмат қиладиган ва тушунадиган шаҳарга. Шуни айтишни истардимки, йигитлар ҳаракат қилишмоқда. Тўғри тушунинг, биз қисқа вақт ичида жамоани тўпладик. Ҳали яна катта иш кетмоқда. Сабр қилишимиз керак, аммо йигитларга баракалла!

- Мавсум энди бошланди, жамоани олдинда турган мавсумда қандай кўрмоқдасиз? 

- Бизда мақсад бор. Катта мақсадлар. Ҳозир босқичлардан биридамиз, step by step дегандек. Шакллантирамиз, ўрганамиз. Бундай даражада, олдида вазифаси бўлмаган жамоада ўйнамаган хоккейчиларимиз кўп. Биз бу ерда оила бўлишимиз керак, ва у оиланинг ҳар бир аъзоси нима учун бу ерда эканлигини тушуниши лозим. Ҳали ўрганиш лозим бўлган нарсалар кўп, чунки йигитлар турли мактаблардан келишган. Бу ерда тезкор ва яхши хоккей бўлади. Иш жуда кўп. Аммо биз қўрқмаймиз. Уларни ғолиб бўлишга ўргатамиз. Улар Тошкентда барча яхши кўрадиган "Ҳумо" учун ўйнаётганликларини ҳис қила олишлари керак. Аренага келган мухлисларга раҳмат. Уларнинг қўллаб-қувватловларидан миннатдормиз. Улар энг зўри эканликларини биламиз. Биз биргаликда тоғларни талқон қиламиз. 

-Яқин орада жамоа сафига янги ўйинчилар келиб қўшилишини кутишимиз мумкинми?

- Биз буни кечроқ бошладик. Деярли барча ўйинчилар танлаб бўлинган. Аммо бу бўйича иш доимо олиб борилади. Биз раҳбарият билан гаплашяпмиз ва улар ҳам илтимосимизга йўқ демаяптилар. Кучли, рақобатбардош жамоа бўлишидан раҳбарият ҳам манфаатдор. Декабрь охирига бориб, бизда плей-оффда ўйнай оладиган жамоа бўлади. Бизнинг вазифамиз - плей-оффга йўлланма олишдир. Кўрамиз. Чемпионат энди бошланди. Эски жамоадан фақат Смирягин ва Жавоҳир бор. Қолганлар билан ишламаганман. Яна марта айтаман, йигитлар билан танишяпмиз ва уларга ғолиблик рухини ўргатмоқдамиз. Улар бу ер Тошкент ва бу ерда ютқазиш мумкин эмаслигини билишлари лозим. Аммо бу учун вақт керак.