16 фев 16:28
Янгиликлар

Дзюдо

Европа Кубоги. Бешта медаль билан 44 давлат орасида иккинчи бўлдик!

Словения пойтахти Любляна шаҳри мезбонлик қилган Европа Кубоги якунланди.

Нуфузли мусобақанинг иккинчи куни дзюдочиларимиздан Алишер Саманов (-90 кг) ва Муҳаммадали Тангриев бронза медалига сазовор бўлди.

Шу тариқа, Алексей Будолин бош мураббийлигидаги Ўзбекистон эркаклар терма жамоаси Европа Кубогини 2 та олтин ва 3 та бронза медали билан 44 давлат орасида умумжамоа ҳисобида иккинчи ўринда якунлади.

Биринчи кунги беллашувларда Самариддин Қўчқоров (-60 кг) ва Дилшод Ҳамроев (-66 кг) чемпионлик шоҳсупасига кўтарилган бўлса, Элбек Тожиев (-73 кг) бронза медали билан тақдирланганди.