"Эйндховен кубоги". Боксчиларимиз ўз иштирокларини бошлашди

Хабар берганимиздек, ушбу мусобақада уч нафар чарм қўлқоп устамиз - Париж-2024 Олимпиадаси чемпионлари Абдумалик Ҳалоков ва Асадхўжа Мўйдинхўжаев ҳамда ушбу Олимпия ўйинлари иштирокчиси Тўрабек Ҳабибуллаев ҳам ўз маҳоратини намойиш этиши керак эди. 

Қувонарлиси, боксчиларимизнинг бари ўз иштирокларини ғалаба билан бошлаб олишди. -60 кг вазндаги баҳсларда қатнашаётган Абдумалик Ҳалоков нидерландиялик Геронима Хартмансни 5:0 ҳисобида доғда қолдирди.

Асадхўжа Мўйдинхўжаев (-70 кг) украиналик Евгений Иванюкдан ҳакамларнинг якдил (5:0) қарори билан устун келди. Париж Олимпиадасида катта таассурот қолдирган Тўрабек Хабибуллаев эса (-90 кг) литвалик Жонас Жазевисиусни 5:0 ҳисобида енгди.