Фабио Каннаваро: "Эхтиёткорлик билан ўйнаймиз"

"Хайрли кеч барчага. Бу биз учун илк Жаҳон чемпионати ҳисобланади. Эртага барча мухлисларимиз бизни томоша қилади, барча футболчиларимиз эртанги ўйинга тайёр.

Биз ушбу стадионга аввал ҳам келганман, бу ерда Марадонна энг ёрқин голларини киритган. Биз ҳам ушбу тарихий стадионда илк ўйинимизни ўтказаётганимиздан хурсандмиз.

Ҳусанов, албатта муҳим ҳимоячиларимиздан бири, у ҳали янада юқори даражага чиқиш имконияти бор. У айни пайтда ҳам юқори даражада ўйинлар кўрсатиб келмоқда.

Ўйлайманки, бу ерда энг яхши фазилатларимизни, ўзбекларнинг менталитетини намойиш қилишга келганмиз. Мен жамоа билан ишлаганимда ўз тажрибамни улашишга ҳаркат қилдим. Чунки мен ҳам қачонлардир илк бор Жаҳон чемпионатида дебют қилганман, ҳозир ўз тажрибаларимни етказиб боряпман.

Мен футболчи сифатида Жаҳон чемпионатида иштирок этганман, бироқ мураббий сифатида иштирок этиш барибир бошқача. Футболчи сифатида ва мураббий сифатида тайёргарлик бошқа бошқа нарса. Чунки сиз барча футболчиларингиз билан гаплашишингиз керак.

Бизни жуда ҳам қизиқ ва шиддатли ўйинлар кутиб турибди. Рақибларимиз ҳам юқори даражадаги жамоалар. Биз илк бор бу мусобақада иштирок этяпмиз, ушбу мусобақанинг ҳар бир учрашувидан завқланишимиз ва тажриба олишимиз керак.

Колумбия ва Португалия каби жамоалар юқори даражада ўйин намойиш этади. Уларнинг таркибида кучли футболчилар бор. Бу жамоаларга қарши ўйинларда эхтиёткорлик билан ўйнаймиз. Бироқ Колумбияда нафақат Хамес, балки кўплаб яхши дараждаги футболчилари бор.

Колумбияни таҳлил қилдик, охирига қадар ўйнайди. Биз ҳам ўз имкониятимизни намойиш этиб, майдонга тушамиз.

ЎФА академияларга, инфратузилмаларга жуда ҳам кўп эътибор қаратмоқда. Мамлакатда футбол ривожланиб боряпти. Бу Ўзбекистон учун илк Жаҳон чемпионати. Мен Ўзбекистоннинг илк Жаҳон чемпионатида бош мураббий сифатида иштирок этаётганимдан хурсандман.