11 май 13:37
Янгиликлар

Футбол

Фабрегас бошқарувидаги "Комо" тарихга кирди

Италия жамоаси ўз тарихида биринчи марта Еврокубокларда ўйнайди.

Сеск Фабрегас жамоаси А Сериянинг 36-турида "Верона"ни мағлуб этиб (1:0), халқаро майдонга чиқиш имкониятини қўлга киритди.

Бу муваффақият клубнинг Италия чемпионатининг кучли олтилигидан жой олишини таъминлади. "Комо" 36 турдан сўнг 65 очко тўплади ва турнир жадвалида бешинчи ўринда бормоқда. Жамоа олтинчи ўриндан пастга тушиб кетмаслиги аниқ бўлиб улгурган.

Бу клуб учун тарихий ютуқ. "Комо" 2024 йилда А Серияга қайтганидан кейин олий дивизионда атиги иккинчи мавсумини ўтказмоқда ва энди еврокубокларга чиқишга муваффақ бўлди.

Бу муваффақиятнинг асосий меъморларидан бири Сеск Фабрегас бўлиб, жамоа унинг бошчилигида Италияда мавсумнинг асосий кашфиётларидан бирига айланди.