10 фев 17:20
Янгиликлар

Футбол

Фабрегас ўз жамоасига юлдуз футболчини олиб келмоқчи

"Комо" бош мураббийи Сеск Фабрегас жамоасини юлдуз дарвозабон билан кучайтирмоқчи.

"Todofichajes" хабарига кўра, мутахассис ҳозирда Италиянинг бошқа бир клуби – "Фиорентина"да тўп тепаётган 34 ёшли испаниялик Давид Де Хеага қизиқмоқда.

"Комо" жорий мавсум охирида Де Хеа билан шартнома имзолаши мумкин. Давид эркин агент сифатида ўтади, чунки унинг "бинафшаранглар" билан битими 2025 йилнинг июнь ойи охирида тугайди. Испаниялик футболчининг трансфер қиймати 5 млн еврога баҳоланмоқда.

Давид Италия чемпионатининг ушбу мавсумида 20 ўйинда қатнашиб, худди шунча гол ўтказиб юборди ва 7 марта дарвозаси дахлсизлигини сақлаб қолди.