18 фев 14:16
Янгиликлар

Бокс/ММА

Фанат Қаҳрамонов: "Агар Олимпиадага лицензия олсам, жонимни бериб жанг қиламан"

Париж мезбонлигидаги бокс бўйича жаҳон лицензион турнири бекор қилинди.

Терма жамаомиз айни пайтда -75 кг ва -81 кг вазн тоифаларида Олимпиада йўлланмасига эга эмас. Турнир ташкилотчиларининг маълум қилишича, лицензия эгалари сўнгги 4 йил (2017-2021) давомида тўпланган рейтинг орқали аниқланади. -75 кг да Исроил Мадримов лицензия учун курашиши деярли аниқ бўлиб улгурганди. Бироқ Мадримов проф рингдаги фаолияти туфайли ҳаваскор боксда айтарли рейтингга эга эмас. Бундай вазиятда Фанат Қаҳрамоновда имконият туғилиши мумкин. Ушбу ҳолатга боксчимизнинг ўзи қандай муносабатда?

"Олдиндан бирор нарса дея олмайман. Ҳаммаси Аллоҳдан. Агар лицензия олсам жонимни бериб жанг қиламан. Насиб қилган бўлса, медаль олишга ҳаракат қиламан", - деди Фанат Қаҳрамонов.

Сарвиноз Раҳмонқулова тайёрлади