Фахрий устозлар дуоси – ғалабага ундайди

Ушбу тадбир кейинги йил Япониянинг Токио шаҳрида бўлиб ўтадиган ХХХII ёзги Олимпия ва ХVI Паралимпия ўйинларида иштирок этиш йўлланмасини қўлга киритган талаба-спортчиларни маънавий қўллаб-қувватлаш мақсадида уюштирилди.

Тадбирга Ўзбекистон спорт фахрийлари кенгаши аъзолари, ўз даврида юқори спорт натижаларига эришган Олимпия ўйинлари, қитъа ва жаҳон чемпионатлари ғолиб ва совриндорлари, жисмоний тарбия ва спорт соҳасида самарали меҳнат қилган спорт фахрийлари таклиф этилди.

Учрашув давомида Ўзбекистон спорт фахрийлари кенгаши раиси Комилжон Худойберганов, оғир атлетика бўйича Жаҳон ва Европа рекордчиси, Ўзбекистон Республикасида хизмат кўрсатган спорт устози, I-даражали "Соғлом авлод учун" ордени соҳиби Эркин Каримов каби спорт фахрийлари сўзга олиб, навбатдаги ёзги Олимпия ва Паралимпия ўйинларида иштирок этадиган талаба-спортчиларга қимматли маслаҳатлари ва зарур тавсияларини берди.

Тадбир сўнгида спорт фахрийлари Япониянинг Токио шаҳрида бўлиб ўтадиган ёзги Олимпия ва Паралимпия ўйинларида иштирок этадиган спортчиларга улкан муваффақиятлар тилаб оқ фотиҳа беришди.