09 май 08:57
Янгиликлар

Тадбирлар

«Фахрийлар эъзозда» тадбири ташкил этилди

Сўнгги пайтларда Ўзбекистон Миллий олимпия қўмитаси аҳолининг турли қатламлари, шу жумладан ижтимоий ҳимояга муҳтож қатламлари учун турли тадбирлар ташкил этиб келмоқда. Бунгача МОҚ жисмоний имконияти чекланган болалар махсус-мактаб интернати, кўзи ожизлар мактаби, меҳрибонлик уйларида турли тадбирлар ўтказганди.

«Хотира ва қадрлаш куни» арафасида эса Қўмита томонидан «Республика уруш ва меҳнат фаҳрийлари пансионати»нинг бир гуруҳ қариялари учун шаҳримиз бўйлаб махсус экскурсия ташкил қилинди. Пойтахтимиз кўчалари бўйлаб уюштирилган саёхат давомида фахрийлар «Шаҳидлар хотираси» ва «Мотамсаро она» ёдгорлик мажмуаларига ташриф буюриб, монументлар пойига гуллар қўйишди.

Кейинги манзил эса Ўзбекистон Миллий олимпия қўмитаси бўлди. Фахрийлар Қўмитада жойлашган музейни томоша қилиб, у ердаги экспонатлар ҳақида маълумотга эга бўлдилар.