Фазлиддин Ғоибназаровнинг навбатдаги рақиби маълум бўлди, у тажрибали боксчи билан жанг қилади

www.olamsport.com сайтига маълум бўлишича, боксчимиз Алматидаги жанг оқшомида аргентиналик Мауро Максимилиано Годойга қарши рингга кўтариладиган бўлди. 

Маълумот учун, 30 ёшли Годой шу кунгача проф рингда 38 та жанг ўтказишга улгурган. У жангларининг 32 тасида ғалаба қозонган (17 та нокаут). 5 маротаба мағлуб бўлган (2 та нокаут) ва 1 та дуранг қайд этган. 

Фазлиддин эса проф боксда 8 та жанг ўтказган. Уларнинг 7 тасида ғалаба қозонган (4 та нокаут). 1 та жангда эса имкониятни бой бериб қўйган.