FedCup. Ўзбекистон терма жамоаси Индонезияга ютқазиб қўйди

Янги Зеландия ва Ливан терма жамоаларини мағлуб этган терма жамоамиз бугун плей-офф баҳсларида Индонезия терма жамоасига қарши ўйинлар ўтказмоқда.

Аввалига Оқгул Омонмуродова яккалик баҳсларида Алдила Сутиадига 2:6, 2:6 ҳисобларида ютқазиб қўйди.

Бундан бир неча дақиқа олдин эса Сабина Шарипова ўзидан рейтинги паст теннисчига қарши ўйинда 6:4, 5:7, 5:7 ҳисобларида ютқазди.

Энди жуфтлик баҳсларининг натижаси хеч қандай аҳамият касб этмайди. Ушбу мағлубият сабаб теннисчиларимиз биринчи гуруҳ йўлланмасини қўлга кирита олмадилар.