Федерация мутасаддилари Қашқадарё дзюдоси билан танишишди

Хабарингиз бор, яқинда президентимиз Шавкат Мирзиёев Қашқадарё вилоятига ташриф буюриб, пандемия шароитига қарамай, иқтисодиётни тиклаш ва ривожлантириш, одамлар ҳаётини яхшилаш, ҳудудларда янги корхоналар, турар жойлар бунёд этилиши билан яқиндан танишган эди. Давлатимиз раҳбари ташриф доирасида вилоят спортчилари билан ҳам учрашган, мутасаддиларга тегишли кўрсатмаларни берган эди.

Ўзбекистон дзюдо федерацияси махсус ишчи гуруҳи вилоятдаги дзюдо спорт турининг бугунги аҳволи, спорт залларидаги ҳолат билан яқиндан танишишди. Вилоятнинг Чироқчи, Яккабоғ, Шаҳрисабз, Когон, Муборак туманларида қўшимча секциялар очиш, мавжудларининг фаолиятини такомиллаштириш, истеъдодларни аниқлаш мақсадида имкон қадар кўпроқ вилоят миқёсидаги мусобақаларни ўтказиш таклифи берилди.

Таклифларнинг амалий тасдиғи сифатида 3-5 декабрь кунлари Яккабоғ туманида мактаб ёшидаги болалар ўртасида мусобақа ўтказишга келишиб олинди.    

Маълумот учун, бугунги кунда Қарши шаҳрида 6 та, Косон туманида 4 та, Шахрисабзда 3 та, Қарши, Деҳқонобод, Яккабоғ, Китоб туманларида 2 та, Қамаши, Ғузор, Муборак ва Нишон туманларида 1 тадан дзюдо заллари фаолият юритмоқда.

Камолиддин Расулов, Баҳром Ражабов, Маъруф Ҳидиров, Нодир Ҳуррамов, Фарангиз Холмуродова сингари дзюдочилар катталар ва ёшлар терма жамоаси аъзолари ҳисобланади.