Федор Емельяненко икки рақиб номини ошкор қилди

"Биз 2022 йилнинг июнь ёки июль ойида хайрлашув жангигни ўтказиш масаласини муҳокама қилдик. Шахсан ўзим Чейк Конго билан жанг қилишни истайман. Агар Валентин Молдавский чемпионликни қўлга киритса, у ҳолда Bellator рейтингида иккинчи ёки учинчи ўриндаги жангчига қарши октагонга чиқаман. Кейин Райан Бейдер билан камар учун жанг ўтказган бўлардим", - дейди "Сўнгги Император". 

Куни кеча Bellator раҳбарияти Райан Бейдер ва Валентин Молдавский ўртасидаги бирлаштирувчи чемпионлик жанги Bellator 273 турнирининг марказий жанги бўлишини эълон қилишди. Ушбу турнир 29 январь куни АҚШнинг Финикс шаҳрида бўлиб ўтади.

Маълумот учун, Чейк Конго ўзининг сўнгги жангида Сергей Харитоновни бўғиб қўйганди. У айни пайтда Bellator оғир вазнлилар рейтингида иккинчи ўринни эгаллаб турибди. Федор Емельяненко эса учинчи поғонадан жой олган.