05 янв 09:45
Янгиликлар

Бокс/ММА

Флойд Мейвезер блогер билан қуш парвози баландлигидаги вертолёт майдончасида жанг ўтказади + ФОТО

Профессионал боксдаги фаолиятини мағлубият ва дурангсиз якунлаган афсонавий Флойд Мейвезер блогерга қарши жанг ўтказишини маълум қилди.

Флойд 20 февраль куни Дубайдаги машҳур Бурж-ал-Араб меҳмонхонасининг қуш парвози баландлигида жойлашган вертолёт майдончасида рингга кўтарилади.

"20 февраль куни жанг ўтказаман. Ҳозирча рақиб маълум эмас. Лекин мен ҳозирданоқ жанг санасини сабрсизлик билан кутяпман. Ўйлайманки, мухлислар ўзига хос бир жангнинг гувоҳига айланишади. Бу жангни тор доирадаги жуда кам инсонлар кўриш бахтига муяссар бўлишади", - дея Мейвезернинг сўзларини келтирмоқда Boxing Junkie.

Тасдиқланмаган хабарларга кўра, жанг кўргазмали мақомда бўлиб, Флойд «Money Kicks» номи билан машҳур араб блогери Решад Белхасга қарши рингга кўтарилади.