05 фев 18:52
Янгиликлар
Бокс/ММА
Флойд Мэйвезерда суд иши: Боксчи ўзини 340 миллион долларга алданган деб ҳисобламоқда
Флойд Мэйвезер Showtime телеканали устидан судга даъво киритмоқда.
Мэйвезернинг айтишича, унга Конор Макгрегор ва Мэнни Пакьяо билан бўлган жанглар учун тўловлар тўлиқ берилмаган. Унинг таъкидлашича, Showtime ва телеканалнинг собиқ раҳбари Стивен Эспиноза пулларни Флойднинг собиқ менеджери Эл Хэймон назоратидаги банк ҳисобларига ўтказган.
Флойднинг фикрича, Хэймон унинг гонорарларидан 340 миллион доллар миқдордаги маблағни ўзлаштирган.
Мэйвезер жамоаси аввалроқ Showtime молиявий ҳисоботларига кириш имкониятини сўраган. Телеканал эса ҳужжатлар "сув тошган пайтда йўқолгани"ни маълум қилган.
Мэйвезер ва Макгрегор 2017 йил август ойида Лас-Вегасда бокс жангини ўтказган. Флойд 10-раундда техник нокаут билан ғалаба қозонган. 2015 йилда эса Мэйвезер Пакьяони мағлуб этган.
Ҳавола :
Манба : TMZ
Фикрлар