Фомин Тошкентда ўтказилаётган турнирда муваффақиятли старт олди

M15 Tashkent 2 турнирининг мукофот жамғармаси 15 000 АҚШ долларидан иборат бўлиб, унда бир неча нафар теннисчиларимиз ўз имкониятларини синаб кўришяпти. Улар орасида Сергей Фомин биринчи рақам остида таснифланган. 

Мамлакатимизнинг иккинчи ракеткаси 97 дақиқа давом этган илк давра учрашувда яна бир ҳамюртимиз Дамир Абдусаматовни ортиқча қийинчиликсиз мағлубиятга учратди - 6/3, 6/2. Дунёнинг 453-ракеткаси бўлиб турган Фомин эртага 1/8 финалда ATP рейтингида 1860-поғонада бораётган россиялик Дмитрий Долженковга қарши кортга чиқади.