11 авг 03:05
Янгиликлар

Бокс/ММА, Токио-2020

ФОТО. Ғоибназаров техник нокаут эвазига муддатидан аввал ғалабага эришди

Рио-2016 Олимпиадасининг бокс мусобақалари ўзининг қизғин палласига кириб боряпти.

Кўз тегмасин, ҳозирча чарм қўлқоп усталаримиз мағлубиятсиз одимлашяпти. Ҳозиргина Олимпиаданинг бешинчи кунги баҳсларида сўнгги учинчи вакилимиз ҳам чиройли ғалабага эришди.

-64 кг вазн тоифасидаги вакилимиз Фазлиддин Ғоибназаров Риодаги илк жангида иштирок этди. У конголик боксчи Дивал Жаламоу Малонгога қарши рингга кўтарилди. Жанг муддатидан аввал якунланди. Уч маротаба ҳисобни очган швециялик рефери учинчи раунднинг сўнгги дақиқаларида жангни тўхтатди.

Маълумот учун, 25 ёшли ҳамюртимиз иккинчи бор тўрт йилликнинг энг нуфузли мусобақасида иштирок этяпти. Конголик боксчи эса 21 ёшни қаршилаган ва у учун Рио Олимпиадаси фаолиятидаги дастлабки нуфузли мусобқа бўлди.