Фрэнсис Нганну иштирокида ЙТҲ, қурбон бор

Оғир вазн тоифасида собиқ UFC чемпиони, ҳозирда PFL суперчемпион Фрэнсис Нганну ўз мотоциклида йўл-транспорт ходисаси содир этди. Камерунлик аралаш яккакураш устаси мотоциклида дўстлари билан пасха байрамини нишонлаб қайтаётган 17 ёшли Нтсама Брижит Мануэллни уриб юборди. 

CameroonOnline нашрининг хабар беришича, бу ҳолатда ўзини йўқотиб қўймаган Нганну қизни ўзи касалхонга олиб борган. Аммо шифокорларнинг биринчи ёрдамига қарамай, қиз бир нечта суяк синишлари мия чайқалиши ва яна бир нечта ташҳислар натижасида жарроҳлик столида вафот этган.

Айни пайтда ҳолат юзасидан тергов-суриштирув ишлари олиб бориляпти. Вазиятга яқин инсонларнинг хабар беришича, бўлиб ўтган мудҳиш воқеадан Фрэнсис Нганну қаттиқ изтиробга тушиб қолган. У ҳалок бўлган Нтсама Брижитнинг оиласига ёрдам бермоқда.