17 май 07:53
Янгиликлар

Бокс/ММА

Фрэнсис Нганну иштирокидаги жангда нокаут қайд этилди

Айни дақиқаларда АҚШнинг Калифорния штати Лос-Анжелес шаҳрида Жейк Полга тегишли Most Valuable Promotions турнири бўлиб ўтмоқда.

Унинг доирасида оғир вазн тоифасида собиқ UFC чемпиони Фрэнсис Нганну деярли икки йиллик танаффусдан сўнг "қафас"га қайтди. Камерунлик аралаш яккакураш устаси бразилиялик Филипе Линсга қарши жанг ўтказди. Ўзидан 16 килограммга енгил бўлган рақибга қарши жанг Нганну учун қийинчилик туғдирмади. Биринчи раунднинг тўртинчи дақиқасида Фрэнсис нокаут эвазига ғалаба қозонди.

Маълумот учун, бу Фрэнсис Нганнунинг кетма-кет саккизинчи ғалабаси бўлди. Филипе Линс эса аксинча, тўртта ғалабали сериясидан кейинги илк мағлубиятини қабул қилиб олди.