Футзал. Осиё Кубогининг амалдаги ғолиби ҳисобланган Япония гуруҳда қолиб кетди!

17-бор ўтказилаётган Осиё Кубоги гуруҳ босқич доирасида Тожикистон - Япония учрашуви бўлиб ўтди. 

"С" гуруҳида иштирок этаётган "самурайлар" нафақат гуруҳ, балки мусобақа фаворитларидан бири сифатида тилга олинганига қарамай, плей-офф босқичига чиқа олмади. 

3-тур доирасида тожикларга қарши баҳсда дуранг қайд этган японлар 4 очко билан 3-ўринда қолиб кетишди. Мусобақанинг амалдаги ғолиби ҳисобланган Япония илк бор иштирокини гуруҳ босқичидан кейиноқ якунлайдиган бўлди.  

Эслатиб ўтамиз, турнирда 16 та жамоа иштирок этмоқда. Тўртта кучли жамоа (Ўзбекистондан ташқари) шу йил юртимизда ўтадиган Жаҳон чемпионатида иштирок этади. Мезбон давлат Ўзбекистон автоматик тарзда бўлажак Жаҳон чемпионати иштирокчисига айланган. Шундай қилиб, агар Ўзбекистон ярим финалга чиқса, мундиалнинг сўнгги йўлланма эгасини аниқлаш учун алоҳида плей-офф босқичи такшил этилади. 

Плей-офф

Плей-офф босқичида ғолибни аниқлаш учун қўшимча таймлар ва пенальтилар сериясига мурожаат қилинади. Учинчи ўрин учун ўйинда қўшимча тайм бўлмайди.

Чорак финал

1) "А" гуруҳи ғолиби "B" гуруҳи финалчиси

2) "C" гуруҳи ғолиби "D" гуруҳи финалчиси

3) "B" гуруҳи ғолиби "А" гуруҳи финалчиси

4) "D" гуруҳи ғолиби "C" гуруҳи финалчиси

Ярим финал

"A"/"B" ғолиби – "C"/"D" ғолиби

"B"/"A" ғолиби – "D"/"C" ғолиби

Ютқазган жамоалар 3-ўрин учун баҳсда қатнашса, ютганлар финалда ўйнайди.