14 июн 14:27
Янгиликлар

Бокс/ММА

Фьюри ўзидан 50 кг оғирроқ Эддига қарши тўлиқ жанг ўтказди

Мағлубият билмай келаётган британиялик юлдуз Тайсон Фьюрининг укаси Томми Фьюри Манчестерда бўлиб ўтган Misfits Boxing турнирида рингга кўтарилди.

Кичик Фьюри расмий тарози маросимида ўзидан 50 кг оғирроқ тош босган ҳамюрти Эдди Холлни олти раунд тўлиқ давом этган жанг якунида очколар ҳисобига кўра мағлубиятга учратди. Жанг 2 дақиқадан иборат 6 раунд форматида ташкил этилди.

2017 йилда "Сайёрамизнинг энг кучли одами" унвонини қўлга киритган Холл Томми Фьюрига жиддий қаршилик кўрсата олмади. Ушбу жангда ҳакамлик вазифасини бажарган боксчилар Тони Беллью ҳамда Дерек Чисора ғалабани мос равишда 59-56 ва 58-56 ҳисобларида Фьюрига тақдим этди. Оғир вазнда Misfits Boxing чемпиони ҳисобланган Чейз ДеМур эса дуранг (57-57) натижа қайд этди. Чейз Фьюрининг потенциал рақиби ҳисобланади.