Фьюрининг рафиқаси турмуш ўртоғининг фақат битта ҳолатда рингга қайтишини айтди

Супероғир вазнда WBC чемпиони, британиялик Тайсон Фьюри ҳамюрти Диллиан Уайтни олтинчи раундда нокаутга учратганидан сўнг фаолиятини якунлаганини эълон қилганди. Пэрис хонимнинг айтишича, Тайсонни фақат битта сабаб фикрини ўзгартириб, рингга қайтара олади.

"Бутун дунё етарлича Тайсоннинг нималарга қодир эканини кўрди. У энг яхши эканини яна бир бор исботлади. Унинг боксдан кетишини хоҳлайманми? Ҳа, мен шундан бўлишини истардим. Энди бор эътиборини оиласига қаратиши тарафдориман. Ортиқ исботлайдиган нарсаси қолмади. Фьюрини фақат битта - бирлаштирувчи чемпионлик жанги рингга қайтариши мумкин", — дея Пэриснинг сўзларини келтиради talkSPORT.