14 июн 12:56
Янгиликлар

Теннис

Галле турнири ташкилотчилари Медведевни қайта 1-ракетка бўлгани билан табриклашди + ФОТО

Россиялик теннис юлдузи кеча эълон қилинган янги ҳафталик ATP рейтинги пешқадамига айланиб олган эди.

Шу ҳафта у иштирок этадиган Галле турнири ташкилотчилари Медведевни яна рейтинг карвонбошиси бўлгани билан табриклашди. Даниилни торт ва салқин ичимлик билан меҳмон қилишди.

"Хуш келибсан! Дунёнинг биринчи ракеткаси Даниил Медведевни шахсан турнир директори Ральф Вебер табриклади", - деб ёзилади Галле мусобақасининг расмий саҳифаларида.

Маълумот учун, россиялик 26 ёшли теннисчи Terra Wortmann Open турнирининг илк даврасида бельгиялик Давид Гоффинга қарши кортга чиқади.