Галле турнирида чемпион аниқланди

Бош соврин учун кечган финал учрашувида кутилмаган натижа қайд этилди. Дунёнинг иккинчи ракеткаси Даниил Медведев польшалик Хуберт Гуркачга қарши кортга чиқди. Олтмиш уч дақиқа давом этган баҳсда Медведев рақибига 1/6, 4/6 ҳисобида имкониятни бой бериб қўйди.

Даниил 3 та эйс, иккита қўштахога йўл қўйиб, биронта ҳам брейкни амалга ошира олмади. Хуберт эса 9 та эйс, битта қўшхато ва 3 та брейк қайд этди. Теннисчиларнинг ўзаро учрашувларида польшалик ҳисобда олдинга чиқиб олди - 3:2.

Гуркач турнирдаги иштирокидан 399,170 доллар ҳамда 500 рейтинг очкоси ишлаб олди. Медведев эса 214,775 доллар ва 300 баллга эга бўлди. 24 ёшли Хуберт бугун эълон қилинадиган янги ATP рейтингида 10-ўринга кўтарилиб олади.