Гандбол: Ўзбекистон кубоги ғолиб ва совриндорлари аниқланди

Бир ҳафта мобайнида мамлакатимизнинг энг кучли 7 та жамоаси бир даврали тизимда ўзаро куч синашди.

Барча учрашувини ғалаба билан якунлаган Олмалиқ шаҳрининг ОКМК жамоаси Ўзбекистон кубоги соҳибига айланди. Қорақалпоғистонлик гандболчилар кумуш медалга сазовор бўлишди. Бронза медали эса Хоразм вилояти терма жамоасига насиб қилди.

Мусобақанинг тақдирлаш маросими байрамона  тарзда уюштирилди. Тантанада қатнашган Қорақалпоғистон республикаси Ёшлар сиёсати ва спорт вазири вазифасини вақтинча бажарувчи А.Алланазаров, Ўзбекистон эркаклар терма жамоаси бош мураббийи, халқаро тоифадаги ҳакам У.Икромов ғолиб ва совриндор жамоаларни эришган муваффақиятлари билан қизғин қутлаб, уларни тегишли даражадаги диплом, медаль ва қимматбаҳо совғалар билан тақдирлашди.